Wednesday, January 18, 2012

പ്രാണന്റെ കടപ്പാട്


നിന്റെ പ്രാർത്ഥനകളായിരുന്നുവോ...
അതോ, മനസ്സിലിനിയും കെട്ടുപോയിട്ടില്ലാത്ത ഏതോ ചില നൻമകളുടെ ജീവനാളങ്ങൾ എന്നെ കാത്തുവച്ചതോ... ഇതുവരെയും ദുരന്തങ്ങള്‍ വഴിമാറിപ്പോയിരുന്നു...                                   
 പക്ഷെ, ഇന്നലത്തെ വൈകുന്നേരം നീ എന്നില്‍ നിന്നും തിരിച്ചു ചോദിച്ചത് നിന്റെ ഹൃദയം മാത്രമായിരുന്നില്ല....
ഇത് വരെയും എന്നെ ജീവിപ്പിച്ചിരുന്ന പ്രാണന്റെ കാവല്‍നക്ഷത്രവുമായിരുന്നു,.       
  ആയുസിന്റെ മരുയാത്രകളില്‍ ഒപ്പം നീയില്ലെങ്കില്‍, ഏതു ചെറിയ പോക്കുവെയിലിലും ഞാന്‍ വാടിപ്പോകുമെന്നു നിനക്ക് മുന്നേ അറിയാവുന്നതല്ലേ.?. നിഴലു പോലെ കൂടെയുള്ള ദുര്‍വിധിയുടെ തീമഴകളില്‍ എനിക്ക് പിടിച്ചു നില്ക്കാന്‍, നിന്റെ മന്ദഹാസത്തിന്റെ തേന്മഴ ഇതുവരെ കൂട്ടിനുണ്ടായിരുന്നു.
ഇപ്പോൾ .....
'എന്നെ പൊതിഞ്ഞു നിന്നിരുന്ന നിരവൃതികളുടെ ഒരു പട്ടുകമ്പളം മെല്ലെ മെല്ലെ എന്നില്‍ നിന്ന് മാഞ്ഞുപോകുന്നതും, ദുരന്തങ്ങളില്‍ താങ്ങായിരുന്ന, സ്നേഹത്തിന്റെ ആശ്വാസത്തിന്റെ ഒരു മേഘശലഭം എന്റെ ആകാശത്തില്‍ നിന്നും പതിയെ പറന്നകലുന്നതും.... ഏകാന്തതയുടെ ആയിരം ഗ്രീഷ്മകിരണങ്ങൾ എന്നെ ഒന്നോടെ വിഴുങ്ങുന്നതും.. ഒന്ന് കാണുവാനാകാതെ, ഒരു വാക്ക് പറയുവാനാകാതെ...നിന്റെ കയ്യിലൊന്നു മുറുകെ പിടിക്കുവാനാകാതെ....വിസ്മ്രിതിയുടെ തമോഗര്ത്തങ്ങളിലേക്ക് താഴ്ന്നു പോകുന്നത് ഞാന്‍ അറിയുന്നു’...

അപ്പോഴും കടപ്പാടുകളിലേറ്റവും വലുത് എന്റെ നേര്‍ക്ക്‌ നീണ്ട നിന്റെ വിരല്‍തുമ്പുകളോടുള്ളതായിരുന്നു.....

4 comments:

  1. http://a-dream-lover.blogspot.com/2012/01/blog-post_16.html

    mukalile link onnu nokkoo ketto.

    ee varikal ente hrudayathodu chernnu.

    ReplyDelete
  2. പ്രണയാര്‍ദ്രമായ ഹൃദയത്തില്‍ ഒരു പ്രാണന്റെ കടപ്പാട് കൂടി... അല്ലെ...

    ReplyDelete
  3. അത്രമേൽ സ്നേഹിക്കയാൽ...

    ReplyDelete
    Replies
    1. സ്നേഹം ചിലപ്പോള്‍ അങ്ങനെയൊക്കെയാണ്....

      Delete